心頭好

啱啱過左既農曆新年，去左日本hea．我基本上依家去旅行既目的都係為左食．不過今次除左食之外都另外有兩樣野想做既．就係買眼鏡同去一次橫濱．　

橫濱只係心頭好，好耐以前被 "莎木" 感染既關係，所以好想去睇吓！ 莎木係咩黎？如果有打開遊戲機就知架喇，如果無打機既習慣，問吓Ｄ有打機既人睇吓佢識唔識答你！

今次去日本第二樣自己想做既就係買眼鏡．而我今次去左南青山CRADLE眼鏡鋪買左副佢地手做既自家品牌既EFFECTOR．

我就係買左副EFFECTOR - FUZZ

EFFECTOR響日本好HIT，如果你有留意日本潮野，一定無可能唔識！至於佢有幾巴閉，你地自己research吓！

Joystick!

早兩日響網上面訂左個JOYSTICK用黎打街霸IV，今朝終於送到黎喇！雖然呢個唔係SF IV既款而係之前SOUL CALIBUR既版本，不個無所謂啦！有好過無啦，D JOYSTICK依家炒到天價，如果我呢款去街鋪買起碼要８舊啦！雖然而家網上訂都要５舊，不過都平過佢啦而且又送貨添！都算係咁啦！

STREET FIGHTER IV VIDEO APP

STREET FIGHTER IV VIDEO APP

都幾攪笑！

香港藝術節 - 牡丹亭

睇完之後我對中國芭蕾舞團真係另眼相看！中國真係人多！所以佢地挑選出黎既人（我指女性），個個統一５尺９，身材，樣貌都一樣！真係好利害！每當人多既時候跳舞真係齊到呢～～！外國都比不上佢地！絕無誇張成份！如果你有睇你就明我講咩喇．
呢個芭蕾舞劇情節不錯，不長也不短，剛剛好！服裝更加漂亮！又其是紅色，好華倫天奴呀！好鬼靚！Ｄ顏色另我非常深刻！至於個古仔就ＯＫ啦！哈哈～～！　

香港藝術節 - 海廷克與芝加哥交響樂團

睇完賣花女後，第２日就去左聽 Haitink 指揮既 Chicago Symphony Orchestra.

果日阿指揮家同樂團共表演左２個樂章．分別有莫札特既Ｃ大調第四十一交響曲，Ｋ５５１（朱庇特）同埋李察．史特勞斯既英雄的一生，作品４０

聽完呢個演奏之後真係大開眼界！真係回味無窮！跟住我重特登買左佢既ＣＤ，返屋企再繼續煲！最重要係隻ＣＤ有 Haitink 既親筆簽名呀！哈哈～～～～～～！虛榮感又大增！

（ｐｓ當演奏英雄的一生既時候，小提琴大師好似拉到有走左一粒音出黎！唔知係咪特登測試吓我地Ｄ聽衆呢？如果當晚你都係度聽既話，你有無聽到呢？又或者果粒音真係咁拉，只係小弟功力倘淺．．．失覺哂！哈哈～～～～）知道既朋友請指教一下！

香港藝術節 - 賣花女 (Pygmalion)

今年藝術節我既第一個節目係睇賣花女．呢個話劇個古仔都熟哂，不過佢都同電影係有少少唔同．個人覺得係好好睇！至於有幾好睇？總之係好好睇啦！哈哈～～～～！
希望有日香港都可以做到Ｄ咁有水準話劇啦！　香港加油！

iphone 潮殼 incase

Incase 呢間公司好似係做 ipod case起家，之前曾經同藝術雜誌 Arkitip 聯同其他artists 玩交叉作品．響2008年尾就更加同日本潮流教父藤原浩既 fragmentdesign 玩交叉iphone殼．呢間公司都幾犀利吓連教父都參與埋一份！我覺得都係互惠互利啫，不過香港無得賣，我都係響美國訂番黎格咋！買左兩個，一黑一白．人無我有！哈哈！虛榮感又作反喇～～～～！