村上隆

村上隆又有出新野，今次佢出既花花足足有兩米大既SIZE！好鬼靚！如果屋企有位，放係大廳中間．．嘩！不得了喇！哈哈～～！

兩米大既花花只需要 110,250 yen ．．．．．　大約八千幾蚊之嘛！多謝哂！

曼聯新衫

天啊～～～！佢地又黎搶我Ｄ錢呀！有無攪～～～～錯！一年出幾次波衫，好等錢駛咩！呢件衫未計運費 $49.90英鎊．而且未有印名同冧把！你有無興趣？

iPhone OS 3.0 software

http://events.apple.com.edgesuite.net/0903lajkszg/event/index.html

黎緊iPhone將會有新software昇級！今次終於可以用籃芽，收發MMS．另到部機更加好用！相信iPhone用家(我係其中一個)都好期待！未買機既四哥，你都可以唸吓iPhone. 上面條link係介紹新software有咩新function. 有興趣就click入去睇睇！

終於俾我買到喇！

之前我講過話曼聯贏波就買鞋！而家終於俾我買到喇！哈哈！

我響 J-01度買，而且D-mop重有10%電視框添！

星期六

好期待今個禮拜六個gathering!

和牛～～～我黎喇！

戰利品

以上係部份既戰利品！

遊記

星期五晚到首爾之後，就即刻去酒店Check in．Settle down之後都差唔多10點嚕，於是就去第一個地方 - 東大門出發！

呢度其實都幾似旺角....因為都係Ｄ靚仔靚妹黎既地方，同埋賣既野都比較雜．我就興趣不大！而且斗山塔 (Doosan Tower)裝修，只有兩層行，所以行左陣就去食野．去左米利來 (Migliore)個Food Court食飯．食完飯就去左Hello apm行左陣就返酒店訓！


第二日起身，就去左食人參雞．好味到呢！不得了！下次黎要encore多次！食完野之後就去明洞，有D似原宿feel，都有好多潮野買，香港賣哂既adidas obyo - 倉石一樹D野全部都有，我都買左件M-65軍樓款既外套同埋件Tee. 之後就出發去阿四哥推介既站立烤肉店．但由於只有有限資料，而且溝通唔到，最後決定放棄！都係留返下次同四哥一齊黎，再搵過吧啦！由於搵唔到間野，但又有Ｄ肚餓，所以就係現代百貨上面既餐廳食lunch! 食完野就落去佢下面既超級市場買紫菜！同日就去左Techno Mart，買Blu-ray, 真係好平！但可惜我有好多已經係香港買左所以響呢度無咩買．跟住去左Lotto 百貨，雖然韓幣跌左，但係對名牌無咩影響，佢地再mark up 番，所以唔係平好多咋！逛完一輪就去左食韓國牛肉燒烤，雖然去唔到四哥個間．塞翁失馬！而家都去到間好好味既！（JD推介！）我梗係又狂食牛啦！

食完之後就好滿足咁返酒店睇曼聯，點知輸波收場！本身想落JJ's，但．．已經無哂心機，所以走左去訓！

星期日早上，響酒店食完早餐就出發去左狎歐亭，呢處好似表參道＋南青山！好正！有平有貴有潮野有名店，好ok! 值得黎！而且重俾我發現左有間10．corso．como添！　話說響呢處發生左件事！小弟去左HERMES買完野個女Sales無俾返張卡我，而我又走左番酒店，唸住早Ｄ去機場睇吓，因為機場都有好多野睇．Pick up 完行李之後就check下Ｄ証件，點知就係呢個moment發現唔見左張卡！酒店既Concierge幫我call落去又唔通，情急之下就飛的落去，好在張卡真係係度，之後又飛的返酒店趕Shuttle出機場！　呢鋪真係代表作！　哈哈～～～～！

又走左去Hea~~~!

星期五又飛左嚕～～～！今天係去左．．．首爾！我最重要當然係食啦！全程都係食韓國餐！有辣有唔辣，都幾Ｘ辣！可能要跟番地理氣候啦．今次食左人參雞，同埋韓式烤牛肉．超好味！其他就係Ｄ韓國餐廳，都OK既．

今次多得Ah Ta 個老板 - JD 幫我地訂到酒店，重要係Grand Hyatt 添！嘩成世人第一次住Grand Hyatt 咋！間酒店個view就真係無X得頂．有興趣可以去我個Facebook度碌碌！多謝JD!

寫住咁多先，遲Ｄ再寫我響當地我發生左咩事！